کۆمەڵایەتی وانەیەک بۆ ناسینی جیهان

وانەی کۆمەڵایەتی یەکێکە لە وانە گرنگەکانی خوێندن ، چونکە یارمەتی قوتابیان دەدات جیهان بناسن لە ڕێگەی ( میژوو – جوگرافیا ) وە ، ماف و ئەرکەکانیان بناسن و ڕۆڵی خۆیان لە کۆمەڵگەدا بزانن و تێبگەن ، ئامانجی ئێمە لە وانەی کۆمەڵایەتی لە قوتابخانەی وایزدا تەنها گواستنەوەی زانیاری نیە ، بەڵکو پەروەردەکردنی نەوەیەکی ( هۆشیار – داهێنەر – بەرپرسیار – نیشتیمان پەروەرە ) لە داهاتوودا پێشکەش بە کۆمەڵگەی بکەین . وانەی کۆمەڵایەتی کار لەسەر کۆمەڵێک خاڵ دەکات لە ڕێگەی بەشەکانی ( مێژوو – جوگرافیاوە ) ئەوانیش بریتین لە :- ( زیادکردنی هۆشیاری و زانیاری – ناسینی مێژوو شارستانییەکان – فێربوونی ماف و ئەرکەکانی هاووڵاتی – پەرەپێدانی گیانی هاوکاری و پێکەوە ژیان – ڕێزگرتن لە جیاوازییە کلتووری و ئاینی و کۆمەڵایەتییەکان – پاراستنی ژینگە و سروشت )........ بەشی مێژوو گەشتێک بۆ رابردوو کار لەسەر ناسینی مێژوو شارستانییەتەکان دەکات وەک ( مێژووی مرۆڤایەتی ، شارستانییەتە کۆنەکان ، شوێنە مێژووییەکان ، کەسایەتیە مێژووییەکان ) لە ڕێگەی مێژووەوە فێر دەبین لە ڕابردوو وانە وەربگرین و داهاتوویەکی باشتر بنیاد بنێین ، ( مێژوو ئاوێنەی ڕابردوو و چرای ڕێگای داهاتووە ) . بەشی جوگرافیا زانستی ناسینی زەوی و جیهان لە ڕێگەی جوگرافیاوە جیهان باشتر دەناسین و لە شوێنە جیاوازەکان تێدەگەین و فێری پاراستنی ژینگە و سەرچاوە سروشتییەکان دەبین لە ڕێگەی ( ناسینی زەوی و پێکهاتەکانی ، دەریا و ئۆقیانووسەکان ، چیا و ڕووبارەکان ، کەش و ئاووهەوا ، وڵات و پایتەختەکان ، جوگرافیای کوردستان ، نەخشە .....) وە دروشمی بەشی جوگرافیا لە وایزدا ( جیهان بناسە ، زەوی بپارێزە ، داهاتوو دروست بکە ). لە کۆتایدا دەڵێین وانەی کۆمەڵایەتی پەنجەرەیەکە بۆ ناسینی جیهان و مێژوو و کلتووری مرۆڤایەتی نەک تەنها وانەیەکی ئاسایی ، پرۆگرامەکانی خوێندن بێت .