وەک پەرستاری قوتابخانە، دەمەوێت باسی ئەوە بکەم بۆچی لە پایزدا منداڵەکان زیاتر تووشی پەتا دەبن.
لە ڕووی زانستیەوە دوو هۆکار هەیە. یەکەم، لە پایزدا ڤایرۆسی ئەنفلۆنزا و RSV لە هەوای سارد و وشکدا زیاتر دەمێنێتەوە و بە خێرایی لە پۆلی داخراودا بڵاودەبێتەوە. وە هەروەها کەمی تیشکی خۆر دەبێتە هۆی کەمبوونەوەی ڤیتامین D لە لەشدا، ئەمەش ڕاستەوخۆ سیستەمی بەرگری لاواز دەکات.
بۆیە بەپێی ئەوەی زانست دەیڵێت و من خۆم ڕۆژانە دەیبینم، باشترین پارێزەری ئەمانەن:
١. شوشتنی دەست بە سابون بۆ ٢٠ چرکە، بە لێکۆڵینەوە سەلمێنراوە تا ٤٠٪ مەترسی گواستنەوەی ڤایرۆس کەم دەکاتەوە. ٢. خەوی تەواو کە زۆر گرنگە. کاتێک منداڵ ٩ بۆ ١٢ کاتژمێر دەخەوێت، لەشی پرۆتینی بەرگری زیاتر دروست دەکات. ٣. خواردنی پڕ لە ڤیتامین C وەک پرتەقاڵ و هەنار، یارمەتی چالاکبوونی خڕۆکە سپییەکان دەدات. ٤. هەواگۆڕکێی پۆل، چونکە هەوای نوێ چڕی ڤایرۆس لە ژووردا کەم دەکاتەوە.
ئەگەر منداڵەکەتان تووشی تای سەروو ٣٨ پلە و بێهێزی و شەکەتی و دڵتێکەڵهاتن و کۆخەی بەردەوام بوو، تکایە با لە ماڵەوە بمێنێتەوە و پشوو بدات. ئەمە تەنها بۆ خۆی نییە،بەڵکو بۆ پاراستنی هاوڕێکانیشیەتی.
لەکۆتایدا هیوادارم پایزێکی تەندروستمان هەبێت.
